Astelehenetik asteazkenera, COVID-19agatik 85 kutsatu gehiago Oarsoaldean
Kutsatzeen buru Errenteria-Orereta eta Pasaia daude, 41 eta 27 kasu gehiago jaso direlako hurrenez hurren. Lezon ia bikoiztu egin da tasa aste honetan.
Etenik gabe gorantz doa COVID-19aren oldarraldi berria Oarsoaldean. Astelehenetik asteazkenera (hilaren 15etik 17ra) 85 kutsatu jaso dituzte osasun zerbitzuek lau herrietan: 41 Errenteria-Oreretan, 27 Pasaian, hamabi Lezon eta bost Oiartzunen.
Tasek, ondorioz, gorantz egin dute. Errenteria-Oreretako 100.000 biztanleko tasa 306ra igo da (214koa zen igandean), 562koa Pasaiako (igandean, 466koa), Lezon ia bikoiztu egin da igandetik, 148tik 345era; eta Oiartzunen apal igo da, 125etik 144ra.
Erlazionatutako edukia150eko tasa baino gehiago duten udalerrietan ekitaldi jendetsuak bertan behera uzteko eskatu du Jaurlaritzak
