Hazilan egitasmoarekin, enplegua lortzeko aukera
20 eta 44 urte arteko langabeei eta goi mailako formakuntza eta/edo unibertsitateko titulua duten gazteei zuzendutako egitasmoa da.
Oarsoaldeko Hazilanen 12. ekitaldiko partaideak Argazkia: Oarsoaldea Garapen Agentzia Martxan da Hazilan enplegurako egitasmoaren hamazazpigarren ekitaldia. 20-44 adin tartean daudenentzat dago bideratua enplegu programa, goi mailako formazioa edo/eta unibertsitateko titulua duten langabeei zehazki. Oarsoaldea Garapen Agentziak kudeatzen du egitasmoa, eta adierazi du aurreko edizioetan izena eman duten 251 lagunetatik, %75k lana aurkitu dutela.
Izena ematen dutenek, 80 orduko hasierako prestakuntza prozesua (lanbide profila definitzea, talde dinamiketan trebatzea, gizarte eta komunikazio trebetasunak garatzea, enplegua bilatzeko tresnak…) egingo dute, eta ondoren, norberaren profil profesionalarekin lotura duten enpresetan aldi baterako praktikak egiteko aukera izango dute. Bide horretan lan prestakuntzan eta orientazioan adituak direnak izango dituzte lagun partaideek.
Abenduaren 13an hasiko dira Hazilaneko saioak. Lehenik, interesdunei elkarrizketa pertsonalak egingo dizkiete, programan parte hartzeko egokitasuna neurtzeko.
Izena emateko edo informazioa lortzeko hiru bide ezarri ditu Oarsoaldea Garapen Agentziak:
- Internet bidez.
- Oarsoaldearen 943 51 02 00 telefono zenbakira deituz.
- Posta elektroniko mezua bidaliz.
