Indarkeria matxistaren kontrako elkarretaratzeak, Antxo eta Trintxerpen
Bi barrutietan elkarretaratzeak egingo dituzte 19:30ean datorren ostegunean (azaroak 25). Donibanen kotxe karabana eta kanpaiak izango dituzte aldarri.
2020ko azaroak 25. Pasaiako Mugimendu Feministak antolaturiko aldarrikapen ekitaldia. 
Datorren ostegunean, (azaroak 25, Indarkeria Matxistaren Kontrako Nazioarteko Eguna) elkarretaratzeak egingo dituzte Antxoko Gure Zumardian nahiz Trintxerpeko Gernika plazan arratsaldeko 19:30ean.
Donibanen kotxe karabana aterako da Bixi Bixiren lokalaren atzetik abiatuz, eta barrutia zeharkatuko du indarkeria matxistaren kontrako mezuak lau haizetara zabalduz; horrez gain, kanpaiak ere joko dituzte aldarri moduan.
Ekintza horiek Pasaiako Udalak, herriko talde feministekin elkarlanean, antolaturiko egitarauaren barruan kokatzen dira. Hemen ikus daiteke egun hauetan zein beste ekintza egingo dituzten.
