Matxismoak egunero hiltzen duela salatu dute
Ez dute hutsik egin, ikasleek ere bat egin dute Emakumeen Aurkako Indarkeria Ezabatzeko Nazioarteko Egunarekin eta bere egonezina agerian utzi dute.
Koldo Mitxelena Institutuko ikasleak elkarretaratzea egiten Azaroaren 25aren harira gaur. Argazkia: Koldo Mitxelena Ikastetxea Bete-betean eragiten die haiei ere. Etorkizuna dira, eta ardura bikoitza egokitu zaie ziurrenik, bizi dugun errealitatea irauli eta mundu justuago bat eraikitzeko bidean. Ez dute hutsik egin, ikasleek ere bat egin dute Emakumeen Aurkako Indarkeria Ezabatzeko Nazioarteko Egunarekin eta bere egonezina agerian utzi dute. Koldo Mitxelena Institutuko ikasleek hala egin dute, eta elkarretaratzea antolatu dute ikastetxe kanpoko aterpean Indarkeria matxistak egunero hiltzen gaitu zioen pankartaren atzean. Beste biderik ez da baina, indarkeria matxista ezabatzeko, denak batera aurre egitea baino, estrukturala den arazo batek, erantzun integralak eta gizarte osoaren inplikazioa eskatzen duelako, ezinbestean.
Aurten indarkeria matxistak erail dituen bost emakumeen izenak ere idatzi dituzte pankarta horretan.
Argazkian ikus daitekeenez, egunari erreferentzia egiteko puntu morea jarri du ikasleetako askok aurpegian.
Elkarretaratzearen aurretik, gela guztietan indarkeria matxistaren inguruko jarduera bat egin du institutuak ikasleekin. Elkarretaratzea heldu da ondoren, eta hura amaituta, ikastetxearen kanpoaldeko hesian zintzilikatu dute indarkeria matxista salatzeko pankarta.
Ez da ekintza bakarra izan, eguraldiak lagundu ez badie ere gaurkoa programatuta zuten moduan egiten. Izan ere, lore instalazioa ere inauguratu dute negutegian, indarkeria matxistak hildako emakumeen omenez; Indarkeria lurperatu, berdintasuna loratu izena jarri diote lore instalazio horri.
Lotura honetan ikastetxeak gaurko egunaren inguruan bere web orrira igo dituen argazkiak.
Koldo Mitxelena BHI-ko ikasleek ere indarkeria matxista gaitzesten dute. L@s alumn@s del IES Koldo Mitxelena también condenan la violencia machista #A25 #25N #indarkeriamatxistarikez #noesno #berdintasuna #igualdad #matxismoaristop #errenteria #emakumeenaurkakoindarkeriariez pic.twitter.com/A9uioiCHDp
— Koldo Mitxelena Errenteria (@KoldoBhi) November 26, 2021
