Herriarekin lotutako 147 ikus-entzunezko dokumentu jaso ditu udalak
Mikel Mendizabalek azken urteetan bildu eta zabaldutako dokumentuak eman dizkio udalari. Mendizabalek «herriko ondarea biltzen eta dokumentatzen egin duen lan izugarria» eskertu du udalak.
Alkatea eta Mendizabal, gaur, udaletxean. Oiartzungo ondarea handiagoa izango da aurki, Mikel Mendizabalek eta udalak honen ikus-entzunezko materialaren funtsa udalaren datu basean txertatzeko hitzarmena sinatu beri baitute. Honi esker, herritarren eskura egongo da ondare berri hori. Lagapena doakoa izan da, gaur egikaritu dute Jexux Leonet alkateak eta Mendizabalek.
Oiartzungo mota askotariko ondarearen informazioa bildu eta zabaldu du Mendizabalek azken urteetan: kantagintza, bertsogintza, artea, herri ohiturak, ondare kulturala… Orotara 147 ikus-entzunezko dokumentu jaso ditu udalak. Mendizabalek «herriko ondarea biltzen eta dokumentatzen, urte eta esparru askotan, egin duen lan izugarria» eskertu nahi izan du udalak.
