Arduraz itzuliko da San Silbestre lasterketa presentziala
San Silbestre Txikiak itxaron egin beharko du oraindik. Nagusietan, parte hartzaileetan bi ibilbide aukeran: 3,5 kilometrokoa edota 7 kilometrokoa.
1.000 lagunek hartu zuten parte San Silbestreko lasterketa luze eta motzean. Aurten bai. Arduraz eta osasun neurri guztiak zorrotz ezarrita ezarrita berriro zeharkatuko ditu herriko kaleak urteko azken eguneko hitzordu garrantzitsua bilakatu den San Silbestre lasterketak. Ez gaitzala ezerk gelditu. Lelo esanguratsu hori aukeratu dute Errenteriako Atletismo Taldeko kideek eta lasterketaren antolatzaileek hilaren 31rako.
Mezu bat ere zabaldu du kirol taldeak osasunaren alde: “Mugitu behar gara eta aktibo izaten jarraitu behar dugu”.
Nagusien San Silbestrea bai, baina San Silbestre Txikiak itxaron beharko du “logistika kontuengatik ezinezkoa baitzaigu egungo egoeran antolatzea”. Oarsoaldeko eskolei egingarriak diren ekintzak antolatzen laguntzeko prest azaldu da kluba.
Lasterketarako bi aukera: 3,5 kilometrokoa edo 7 kilometrokoa. Izena emateko aukera hilaren 29ra arte dago zabalik, eta lotura honetan egin daiteke. Lasterketaren araudia, berriz, hemen irakur daiteke.
