Gabonetako argiak piztu dituzte Lezon
Argiteria publikoarekin batera piztuko dira, ilunabarrean, Eguberriak amaitu arte.
Ekitaldi xumea egin zuten, jende pilaketak ekiditeko asmoz. Gabonak gero eta gertuago daudela nabari da Lezon ere, atzo bertan piztu baitzituzten Gabonetako argiak,”herriko kaleak alaitu eta girotzeko” asmoz. Jende pilaketak ekiditeko asmoz, ekitaldi xumea egitea erabaki zuen udalak.
Lezoko alkate Jesus Mari Martiarena izan zen ekitaldian, herriko zenbait merkatarirekin batera. “Momentu latzak bizitzen ari dira herriko merkatari, ostalari eta zerbitzuetan lan egiten dutenek. Denon artean tokiko merkataritza suspertzen saiatu behar dugu. Argien piztuera beraiek egin behar zutela argi genuen”, esan zuen alkateak.
Argi horiek, atzotik aurrera, argiteria publikoarekin batera piztuko dira, hau da, ilunabarrean, Eguberriak amaitu arte.
