Albaola Itsas Kultur Faktoria, behin-behinean itxita
Obrak egin artean martxan jarraituko du eskolak eta aurreragorako erreserbak ere egin ahal izango dira. 2022ko Aste Santuan berrirekitzea aurreikusi dute.
Instalazioak hobetu eta berritzeko egingo dute etenaldia. 
Albaola Itsas Kultur Faktoria bisitarientzako itxita egongo da 2022ko udaberrira arte; ahal dela, Aste Santuan berrirekiko dituzte ateak. Elkartearen beste proiektuek, aldiz, martxan jarraituko dute.
Etenaldirako arrazoi nagusiak hiru dira: instalazioen hobekuntzak, eskola tresna berriz hornitzea, edota San Juan belaontziaren eraikuntzari “bultzada ematea”. Bien bitartean, Aprendiztegi ontzigintza eskolak ohiko martxa jarraituko du, eta erreserbak ere egin izango dira 2022ko udaberritik aurrera bisitak egin ahal izateko.
