Pirritx, Porrotx eta Marimototsen ikuskizunerako sarrerak, asteazkenetik salgai
08:45etik aurrera erosi ahal izango dira sarrerak, zortzi euroan. Urtarrilaren 5eko 12:00etan izango da pailazoen ikuskizuna, Bekoerrotan.
'Kuikui' ikuskizuna taularatuko dute pailazoek Lezon. Argazkia: Katxiporreta. Urtero bezala, Errege Egunaren bezperan ikuskizuna eskainiko dute Lezoko Bekoerrota kiroldegian Pirritx, Porrotx eta Marimotos pailazoek. Urtarrilaren 5eko 12:00etan hasiko da Lezoko saioa. Horretarako sarrerak bihartik (hilak 15, asteazkena) erosteko aukera izango dela jakinarazi du Lezoko Udalak. Kuikui ikuskizun berria taularatuko dute pailazo ezagunek.
900 pertsonetara mugatu dute Bekoerrotako aforoa, COVID-19ari aurre egiteko neurriek hala behartuta. Udalak jakinarazi du segurtasun, distantzia eta higiene neurriak bermatuko direla.
Sarrerek zortzi euroko prezioa dute, eta zehazki Interneten (bide hori lehenetsi du udalak) eta Kultura Aretoan eskuratu ahalko dira, 08:35etik aurrera.
