Trafikoan hainbat muga eragingo ditu Antxoko Gabonetako Krosak
20:15etik 21:15era bitarte, goiti-beheiti, trafikoa moztuta egongo da barrutiko hainbat kaletan. Ibilgailurik ez erabiltzea gomendatu du udaltzaingoak.
![](https://oarsoaldea.hitza.eus/site/files/2021/12/krosa2.png)
Datorren ostiralean, hilak 17, Pasai Antxoko Gabonetako Krosa dela eta, hainbat aldaketa egongo dira barrutiko trafikoan, proba hasi baino 15 minutu lehenagotik (20:15a), 21:15a bitarte. Hona hemen neurriak:
- Ibilgailuak ezingo dira igaro honako kale hauetatik: Hamarretxeta, Gure Zumardia, Zumalakarregi, Blas de Lezo eta Gelasio Aranburu. Papingo bidea ere itxiko da.
- Antxorako sarbidea Eskalantegi kaletik bakarrik egin ahal izango da, eta irteera, berriz, Oarso kaleko zubitik.
- Eskalantegi kalean, Hamarretxeta kaletik aurrera, norabide bakarreko errei bat egokituko da Molinaorantz; Hamarretxetaranzko erreia kirol probarako bakarrik erabiliko da.
- Hamarretxeta kaleak Kupeldegi eta Oarso kaleekin dituen bidegurutzeetan pasabideak egokituko dira, Luzuriagako eta Eskalantegiko aparkalekuetara joateko, hurrenez hurren.
- Pavinsako garajeetatik ateratzeko aukera izango da, baina ez, ordea, bertara sartzekoa.
Pasaiako Udaltzaingoak gomendatu du tarte horretan ibilgailurik ez erabiltzea. Probako parte-hartzaileentzako ordezko aparkaleku gisa, Usozeko kirol pista prestatuko da, 19:00etatik 23:00etara