Larunbatean barrutiz barruti manifestatzera deitu du Sarek
Elkarretaratze guztiak 17:00etan izango dira, Meipitik, Gernika plazatik (bertan bat egingo dute trintxerpe eta sanpedrotarrek) eta Gure Zumarditik abiatuta.
Euskal preso, iheslari eta deportatuen eskubideen alde elkartuko dira larunbatean. 
Egoera epidemiologikoak behartuta, urtero Bilbo eta Baionako kaleak hartu ohi dituen mobilizazioa herriz herri sakabanatzeko erabakia hartu du Sare Herritarrak. Hori horrela, Pasaian, barrutiz barruti elkartuko dira bizilagunak datorren larunbatean euskal preso, iheslari eta deportatuen eskubideen alde.
Pasaian hiru eremu bereizi dituzte: Donibaneko Meipi auzoa, Trintxerpeko Gernika plaza (bertan elkartuko dira sanpedrotarrak ere) eta Antxoko Gure Zumardia. Barruti bakoitzeko bizilagunak gertukoen duten eremura bertaratuko dira, denak ala denak 17:00etan.
“Elkarbizitzarako, bakerako eta etxerako” bidean pausoak emango dituzte hilaren 8an.
