Scalextric txapelketak Iztietako Gurekin Auzo Elkartean
Asociación de Maquetismo Hobby Cars-ek antolatuta, asteburuan Erregetako Slot Scalextric jardunaldiak ospatuko dira Iztietako Gurekin Auzo Elkartean.
Auto bat lehian. Argazkia: Asociación de Maquetismo Hobby Cars Asociación de Maquetismo Hobby Cars-ek antolatuta, larunbatean, hilak 8, eta igandean, hilak 9, Erregetako Slot Scalextric jardunaldiak ospatuko dira Iztietako Gurekin Auzo Elkartean.
Larunbatean adin guztietako jendea dago deitua Rally Slot txapelketara. Hitzordua 17:30ean hasiko da, eta 20:30ean izango du amaiera. Bertan modalitate ezberdinak ikusi ahal izango dira, Scalextric WRC eta klasikoak hain zuzen. Izen ematea hiru eurokoa da.
Igandean berriz, hamalau urte bitarteko haurrek izango dute hitzordua. Lasterketen hasiera 11:30ean izango da, eta 13:30ean amaituko dira. Gazteenen kasuan WRC lasterketetan hartuko dute parte. Izen ematea doakoa da.
Horrez gain, antolatzaileek eutsi dute asteburukoa izango dela ‘Errenteriako Rallyslot Open’-eko azken proba puntuagarria eta denboraldiari amaiera emango diona. Azoka txiki bat ere antolatu dute bertaratzen den jendearentzako. Slot artikuluak edota miniaturazko trenak egongo dira eskuragarri.
