Gipuzkoako Batel Ligako bigarren jardunaldia, San Pedron
San Juan, Hibaika eta San Pedroren 28 ontzik hartuko dute parte biharko estropadan, zortzi kategoriatan. Norgehiagoka 10:00etan abiatuko da.
Aurtengo batelen bigarrena San Pedron izango da. [Argazkia: Sanpedrotarra AE]. 
2022ko Gipuzkoako Batel Ligako bigarren jardunaldia San Pedroko uretan jokatuko da. Bihar, larunbata, hartuko du badiak estropada, 10:00etatik aurrera, lau kaleko erlojupekoan. Denera 79 ontzi uretaratuko dituzte, horien artean 28 Oarsoaldekoak.
Lehen norgehiagokan zortzi kategoriatik hirutan izan ziren garaile Oarsoaldeko arraunlariak. Horiez gain, zilar eta brontzezko beste hainbat merezimendu ekarri zituzten etxera Hibaikak, San Juanek eta San Pedrok. Biharkoan bide beretik jarraitu nahi dute, eta ordezkaritza oparoa prestatu dute hartarako: San Juanek eta Hibaikak, bakoitzak, 12 ontzi eramango dituzte, eta San Pedrok 4.
Zortzi kategoriatik zortzitan arituko dira arraunean etxekoak. Hona hemen lehiatuko diren batelen zerrenda:
- Haur mutilak (5). San Juan A, San Juan B, Hibaika, San Pedro A, eta San Pedro B.
- Haur neskak (4). Hibaika A, Hibaika B, Hibaika C eta Hibaika D.
- Promesa mutilak (3). Hibaika, San Pedro eta San Juan.
- Promesa neskak (4). San Juan A, San Juan B, Hibaika A, eta Hibaika B.
- Gazte mutilak (6). San Juan A, San Juan B, San Juan C, Hibaika A, Hibaika B eta San Pedro.
- Gazte neskak (2). Hibaika eta San Juan.
- Absolutu mutilak (2). San Juan A eta San Juan B.
- Absolutu neskak (2). San Juan eta Hibaika.
