Orientazio jolasa Arditurrira bueltatuko da
Hilaren 13an, igandearekin, egingo dute 'Iparra galdu gabe' orientazio jolasa. Familia guztiarentzako modukoa da, eta aurretik erreserbatu behar da.
Hilaren 13ko goizerako plana proposatu du Arditurriko parketxeak. Iparra galdu gabe orientazio jolasa antolatu dute igande horretarako.
10:00etatik 12:00etara egingo dute orientazio jolasa (hogei minutuero izango dira txandak). Parketxetik abiatuko dira, eta elebitan izango da. Hiru kilometro inguruko ibilaldian zehar orientatu beharko dira parte hartzaileak.
Parte hartzaile bakoitzarentzako prezioa 3 euro dira. Familia ugarien kasuan, kide batek ez du ordaindu beharrik izango.
COVID-19aren kontrako segurtasun neurriak hartuko dituzte. Talde txikietan ibiliko dira, distantziak mantenduz. Eskuak garbitzeko gel hidroalkoholikoa egongo da, eta norberak eraman behar du maskara.
Izen-emateak eta informazio gehiago 943 49 50 69 edo 688 89 50 68 telefono zenbakietara deituz edo Arditurri parketxearen e-mail helbidera mezu bat bidaliz.
