Jaizkibelera mendi irteera antolatu du Antxoko Topaguneak
Datorren iganderako (hilak 13) egin dute plana. 'Gaudenak gaude. Ez gaude denak' lelopean hartuko dute martxa Gure Zumarditik.
![](https://oarsoaldea.hitza.eus/site/files/2022/02/dsc00694.jpg)
Pasai Antxoko Topaguneak mendi txangoa antolatu du datorren iganderako (hilak 13). Gure Zumarditik abiatuko dira 09:00etan, eta Jaizkibelgo antenetara igoko dira paseo erraz batekin: Antxotik Lezora, bertatik antenetara eta jaitsieran Donibanera, Antxora bueltatzeko azkenik.
Deialdi irekia Gaudenak gaude. Ez gaude denak lelopean egin dute, eta bizilagunei dei egin diete anima daitezen: “Zatoz, antxotar, gure bazterrak elkarrekin ezagutzera!”.