Kimaketa lanengatik Ulia etorbideko trafikoa etengo dute bihar
Uliatik Azkuenerako irteera moztuta egongo da bihar goizean. Txandakako pasabidea gaituko dute artean, bertako bizilagun eta autobusentzat.
Kimatze lanak bukatu arte moztuta egongo da Ulia etorbideko trafikoa. 
Udal arduradunek aditzera eman dute, kimaketa lanak direla eta, behin-behineko trafiko etenaldia egin beharko dutela bihar goizean zehar, Trintxerpeko Ulia etorbidetik Azkuenerako irteeran. 08:00etatik 14:00etara bertako bizilagunak eta autobusak soilik sartu ahal izango dira zonaldean.
Udaltzaingoak ohartarazi du trafikoa ohikotasunera bueltatzea lanen bilakaerari lotuta egongo dela. Tarte horretan, txandakako pasabidea ahalbidetuko dute agenteek bi noranzkoetan, aipaturiko ibilgailu baimenduentzako soilik. Azkueneko goiko aldera kale hartako 22. zenbakitik sartuko dira ibilgailuak.
