Ekonek enpresa bisitatu dute udalak eta eragile sozioekonomikoek
Udaleko, Oarsoaldea Garapen Agentziako eta Talka Sareko ordezkariek Ekonek enpresa bisitatu zuten atzo. Ekonekek produktu likido eta oretsuak hauts edo granulu bihurtzen dituen lehortze enpresa da.
Ekonek enpresa bisitatu zuten atzo. Herriko ehun sozioekonomikoa ezagutzeko eta babesteko ekimenen harira, Udaleko, Oarsoaldea Garapen Agentziako eta Talka Sareko ordezkaritza talde batek Egiburuberri industrialdean dagoen Ekonek enpresa bisitatu zuen atzo.
Saio horretan, enpresa eta bere negozio eredua ezagutzeko aukera izan zuten Antonio Foenkinos gerentearen eta Aritz Lekiona I+G zuzendariaren eskutik.
Ekonek produktu likido eta oretsuak hauts edo granulu bihurtzen dituen lehortze enpresa bat da. Nagusiki nekazaritzako elikagaien sektorera bideratzen du bere jarduna, baina bere teknologiak hondakin organikoak zein beste sektore batzuetatik datozen hondakinak ere hauts edo granulu bihurtzen ditu, enpresarentzako negozio aukera berriak sortuz.
Ekonek ingeniaritza integratzailea da, bere bezeroen neurrira eta teknologia propioarekin egindako soluzioak hornitzen dituena. Enpresako arduradunek adierazi zutenez, euren soluzioen abantaila nagusietako bat da energetikoki oso eraginkorrak direla. Egun, enpresak hogei langile baino gehiago ditu, eta hazten ari da.
