Lezon Inauteriak bai, baina jende pilaketarik gabe
Inauteriak hasteko eta bukatzeko plazan egiten diren ekitaldiak bertan behera utzi dituzte. Ostiraloria da egunik indartsuena.
Aurten ere Trapujalek udaletxeko balkoitik jarraituko ditu herriko Inauteriak. Lezon Inauteriak izango dira. Baina ez betikoak, Jai Batzordeak hala erabakita. Ekitaldiak egingo dituzte, baina jende pilaketak izan ditzaketenak egitarautik ezabatu dituzte. Adibidez, Trapujaleren etorrerarik eta epaiketarik ez da egingo, udalak zehaztu duenez Trapujale Taldeak ez duelako parte hartuko jarduera horietan. “Trapujalek balkoian itxarongo ditu lezoarrak”, esan dute udaletik.
Beraz, honakoa da Inauterietarako osatu den egitaraua:
Hilak 24, Ostegunzuri
- 16:00etan, Trapujale Txikia Lezo Herri Eskolan. Trapujaleri harrera egingo diote eskolako jolastokian.
Hilak 25, Ostiralori
- 10:30ean, Pasaia-Lezo Lizeoko LH6ko ikasleen kalejira herrian zehar, eta Trapujale Festa ikastolan.
- 11:30ean, Lezo Institutuko ikasleen kalejira herrian zehar.
- 17:30ean, Sorgin dantza eta Zirikuen kalejira. Murixkaren lokalean hasi, eta han bertan bukatuko da.
- 18:30ean, Lezoko Euskal Dantzazaleen desfilea Bekoerrota kirodegian hasita.
- 19:30ean, Lezoko Euskal Dantzazaleen Zuberoako Dantzak Gurutze Santuaren plazan.
Hilak 26, Larunbatgorri
- 17:00etan, Eztandak taldearen desfilea Herri Eskolatik abiatuta.
Hilak 28, Astelehenarre
- 17:00etan, Eztandak taldearen desfilea Herri Eskolatik abiatuta.
Martxoak 1, Asteartebeltz
- 18:30ean, Hiru Miku Ziriku ipuinaren aurkezpena Gezala Auditoriumean.
