Ostalaritza eta merkataritza arloan ezinegona adierazi du PSE-EEk
Duela urtebete inguru onartu zen arloko plan estrategikoan aurrerapausuak ez direla eman adierazi dute. Seriotasuna eskatu diote alkateari.
Seriotasuna eskatu dio PSE-EEko udal taldeak udal gobernuari. Duela urtebete, Errenteriako udal gobernuak merkataritza eta ostalaritzaren sustapenerako plan estrategikoa aurkeztu zuen. Bada, gaur PSE-EEk ezinegona adierazi du, urtebetean arlo horretan eman diren aurrerapausu gutxiengatik. Haien hitzetan, Merkataritza eta Ostalaritzaren Aholkularitza-Kontseilua onartu eta zortzi hilabete beranduago jarri zen martxan, eta hasieratik egin zion uko udal gobernuak oposizioak bertan parte-hartzeari. Antzeko egoera salatu du zaintzaileen udal ordenantzari dagokionean ere.
Isaac Palencia udal taldearen bozeramaileak, bada, seriotasuna eta inplikazio handiagoa eskatu dio alkateari, egoerari aurre egiteko.
