OzZinemak Altsasuko dokumentala proiektatuko du asteartean
Dokumentalak Altsasu auziaren tratamendu mediatikoa eta euskal gatazkarekin duen harremana azaltzen ditu. Horrez gain, Amets Arzallus zuzendariak egingo den solasaldian hartuko du parte.
'Altsasu (Gau Hura)'. OzZinema zinekluba kasu mediatiko baten kronikarekin dator oraingoan. Asteartean, hilak 22, ‘Altsasu (Gau Hura)’ dokumentala proiektatuko da, 19:30ean Niessen zinema aretoetan. Behaketa ikerketa poetiko batekin, dokumentalak istorio horretako protagonistetako batzuk laguntzen ditu epaiketaren eta espetxeratzearen prozesuak irauten duen hiru urte baino gehiagoan.
Nafarroako herri batean, Altsasun, gertatutako taberna liskar bat terrorismo ekintza bilakatuko da. Dokumental horrek lehen pertsonan kontatzen du familiek justiziaren alde egindako borroka, muntaia politiko, juridiko eta mediatiko baten kontra.
Marc Parramon eta Amets Arzallusen ikerketa lanak Altsasu auziaren tratamendu mediatikoa eta euskal gatazkarekin duen harremana azaltzen ditu. Dokumentala 2018an hasten da, epaiketarako ehun egun falta direnean eta zortzi gazte akusatuek espetxean urte eta erdi daramatenean. Proiekzioak gazteen eraldaketa fisiko zein emozionalaren berri ematen du, haien familien lekukotasunei esker. Arzallus eta Parramonek ikerketa lana egin zuten Altsasuko kasuari buruz eta horrek euskal gatazkarekin izan duen harremanari buruz.
Horrez gain, dokumentalaren proiekzioaren batera, Amets Arzallus zuzendariarekin solasaldia egongo da.
Sarrerak hiru bidetatik eskuratu ahal izango dira lau euroko prezioan: sarrerak.errenteria.eus webgunean, Lekuona Fabrikan eta Niessen Kulturguneko leihatilan saioa baino ordu bete lehenago.
