Hemen da 'Berpiztu Talentu Teknologikoa eta Digitala' programa
Eremu teknologiko eta digitalean eskualdeko enpresek talentua erakarri eta enplegagarritasuna hobetzeko jarriko da martxan.
Programaren baitan 28 laguntza eskainiko dira. Oarsoaldeko Garapen Agentziak “Berpiztu talentu Teknologikoa eta Digitala” programa abiatuko du datozen hilabeteetan. Hala, Oarsoaldeako lau herrietako enpresen erronka beharrizan teknologiko zein digitalei erantzutea izango da. Era berean, pertsonen gaitasunak sustatzeko eta lan-merkatura sarbidea errazteko jarri dute martxan programa.
Programa zenbait fasetan banatuko da, eta 2022ko martxoa eta apiriletik aurrera hasiko dira ikasketak amaituta dituzten pertsonekin erakartzea egiten, proiektuak garatu eta enpresen beharrei erantzuteko. Ostera, maiatza eta uztaila artean, hautatutako pertsonei eraldaketa digitalari buruzko prestakuntza eskainiko zaie. Bukatzeko, 2022ko abuztua eta 2023ko maiatza artean, enpresek parte-hartzaileak kontratatuko dituzte proiektuak garatzeko. Hortaz gain, programaren baitan proiektuak aurkezteko aukera egongo da, pertsonak balorazioa jaso dezan.
Proiektu hau Eusko Jaurlaritzako lan eta Enplegu Sailaren “Berpiztu” programaren baitakoa da, eta 196.000 euro bideratuko dira horretara; guztira, alegia, 7.000 euroko 28 laguntza banatuko dira eskualdeko enpresen artean. Gainera, proiektu honen bidez gizarte eragile ezberdinak lotzea da asmoa. Horien artean, tituludunak eta titulatu berriak; Lanbide Heziketako Zentroak, Unibertsitateak eta bestelako eragile adituak; eta Oarsoaldeako enpresak aurki ditzakegu.
Programan parte-hartzeko baita informazio osoa eskuratzeko ere, Oarsoaldeako Garapen Agentziak herritarren eskura jarri du 943 494 129 telefonoa.
