‘Sedimentos’, OzZinemaren hurrengo hitzordua
Sei emakumeren bidaiari buruzko dokumentala da. "Enpatiari, indibidualismoari eta kide izateko beharrari buruzko istorio samur eta dibertigarria” izango dela aurreratu dute.
OzZinemak beste proiekzio bat antolatu du, oraingo honetan astearterako (martxoak 1). Berezia izango da gainera, izan ere, lankidetza bati hasiera emango diote, “desberdintasun pertsonaletan, hutsune legaletan eta intolerantzia mota orotan fokua jartzen duten film dokumentalak proiektatzeko” asmoz.
Lehen honetan, Errenteriako LGTBI+ Mahaiaren presentzia gehituko diote, sei emakumeren bidaiari buruzko dokumental bat proiektatuz. “Enpatiari, indibidualismoari eta kide izateko beharrari buruzko istorio samur eta dibertigarria” izango dela aurreratu dute. Hala, Adrian Silvestreren azken filma proiektatuko dute: Sedimentos.
Yolanda Terol, Lena Brasas, Tina Recio, Saya Solana, Crsitina Milan eta Alicia de Benito dira filmeko protagonistak. Malagako (Espainia) Seminci Jaialditik edo nazioarteko zenbait jaialditatik igaro da obra, duela bost urte estreinatu zuten.
Antolatzaileen arabera, protagonistek “tentsio minutuak partekatzen dituzte, eta era berean, barre edo malko bat ateratzen duten uneekin konbinatuko” dute.
Proiekzioa 19:30ean hasiko dute, Niessen zinema aretoan. Sarrerak lotura honetan eskura daitezke. Bestela, Lekuona Fabrikan edo Niessen Kulturguneko leihatilan eskuratu ahalko dira, saioa hasi baino ordubete lehenago.
