Ate Irekiak Herri Arte Eskolan
Eskolak ekimen eta aktibitate ezberdinak burutuko ditu apirilaren 1era arte.
Ekitaldien artean, orkestraren kontzertua dago, Madalena ermitan ospatuko dena. Hezkuntza eskaintza, irteerak, hitzaldiak… Errenteria-Oreretako Herri Arte Eskolak egitarau oparoa dakar hurrengo asteetarako. Herritarrengana zuzenduriko Ate Irekiak ospatu nahi ditu, eta horregatik apirilaren 1a arte ekintza eta aktibitate ugari prestatu dituzte antolatzaileek.
Batetik, musika instrumentu espezialitateetako, dantzako, antzerkiko eta hitza eremuetako hezkuntza eskaintza zabala eskainiko dute 8 urte baino gehiagoko pertsonentzat. Aldez aurretik izena ematea beharrezkoa izango da.
Bestetik, martxoaren 31n ikaslego/gurasoei zuzenduriko aurkezpena egingo da. Gidalerro pedagogikoak, indarrean den ikasketa egituraketa, 22/23 ikasturtera begira matrikula prozedura eta bestelako gaiak azaltzea da aurkezpenaren helburua. Niessen Auditorioan egingo da aurkezpena, martxoaren 31ean, 18:00etan euskaraz eta 19:30ean gazteleraz. Streaming bitartez jarraitzeko aukera egongo da.
Bestalde, Arkaitz Minerrek ikastaroa eskainiko du martxoaren 5ean, 12an, 19an eta 26an hari instrumuntuetako ikaslegoa joera herrikoi folk jolastian barneratzeko. Maskaradek ere lekua izango dute egitarauan. Martxoaren 10ean Titika Rekalt-eren hitzaldia dago antolatua, eta maskarada bat zuzenean ikusteko aukera egongo da ere martxoaren 12an Idauzera (Zuberoa) antolatuta dagoen irteeran. Azkenik, martxoaren 20an, Laia Molins-ekin klakea egiteko aukera egongo da. Hauetan izena emateko epea zabalik dago eskolako web orrialdearen bidez.
Ekitaldiak ez dira bertan amaitzen. Instrumentu tradizionalen taldeek bi kontzertu eskainiko dituzte Olaskoaga Plazan, martxoak 4ean eta 25ean). Dantza ikasleek eurek sorturiko koreografiak erakutsiko dituzte martxoaren 20an LekuOnan 19:00etan, eta Orkestrak kontzertu programa eskainiko du Madalena ermitan apirilaren 3an. Bukatzeko, Hitza eremuko ikasleek emanaldiak aurreikusi dituzte apirilaren 5erako eta 6rako.
