Gaztetxoen mailako pilotari bikoterik onena oiartzuarra da
Oihan Etxeberriak eta Mikel Leonetek kluben arteko Euskal Herriko txapelketa irabazi dute. Aitor Etxeberria eta Unai Zelaiaran, txapeldunorde Malerrekan.
Leonet eta Etxeberria, merezitako txapela harro jantzita. Oiarpeko pilotariek garaipen handia lortu dute asteburuan. Oihan Etxeberria eta Mikel Leonetek osatzen duten bikoteak kluben arteko Euskal Herriko finala irabazi zuten larunbat goizean.
Lau tantogatik garaitu zituzten Izagirre eta Ibarluzea lazkaotarrak, Mungiako pilotalekuan. Gaztetxoen mailako txapel garrantzitsua lortu dute, beraz, oiartzuarrek.
Haur Mailako bikoteak ezin izan zuen txapela eraman.Haur Mailako bikoteak ezin izan zuen txapela eraman.
Finala jokatu bai, baina irabazterik izan ez zutenak Aitor Etxeberria eta Unai Zelaiaran izan ziren. Etxaniz eta Arregi azkoitiarren kontra ez zuten aukera handirik izan Malerrekako txapelketan, Haurren Mailan.
Gainontzeko partidei dagokienez, 11 partida gehiago jokatu zituzten Oiartzungo pilota elkarteko jokalariek. Ez dute balantze onik lortu. Izan ere, lau partida besterik ez dituzte irabazi. Emaitza guztiak ikus daitezke esteka honetan klik eginda.
