Iturriotzen 24 tokiko aparkalekua egiten hasiko dira
Dorretxearen atzeko eremuan egingo dute aparkalekua, Iturriotzen dagoen aparkatzeko arazoak arintzeko asmoarekin. Sei aste iraungo dute lanek.
Dorretxearen inguruan egingo dituzte aparkalekuak. Iturriotzen aparkaleku berriak egiteko lanak hasiko dituzte bihar —martxoak 8, asteazkena—. Dorretxe atzean dagoen gunean 24 ibilgailurentzako tokiak egokituko dituzte.
Aurreikuspenaren arabera, lanek sei asteko iraupena izango dute, eta 86.750,43 euroko aurrekontua.
Iturriozko azkeneko auzo batzarrean, udalak auzokideei jakinarazi zien obra horiek egingo zituela. Helburua da auzoan dagoen aparkaleku arazoa arintzea.
