2022ko Sagardo Eguna prestatzeko bilera egingo dute etzi
Errenteria-Oreretako elkarte gastronomikoak gonbidatu dituzte bilerara. Sagardo Eguna egingo da, eta nondik norakoak azalduko dituzte asteazkenean.
![sagardo eguna 2022 orereta bilera](https://oarsoaldea.hitza.eus/site/files/2022/03/46796060615_6e388e3d9c_c.jpg)
2022an Sagardo Eguna egongo dela iragarri dute antolatzaileek, eta ospakizuna prestatzeko iazko lan taldea elkartu dela jakinarazi dute.
Errenteria-Oreretako elkarte gastronomikoekin bilera egingo dute etzi —asteazkena, hilak 9— Niessen elkartean. 19:00etan elkartuko dira, eta 2022ko Sagardo Egunaren nondik norakoak azalduko dituztela jakinarazi dute. Bertara agertzeko gonbita egin diete elkarte guztiei.