Enpatikonomia, enpresentzeko jardunaldia Zinealdean
Jardunaldia Oarsoaldea Garapen Agentziak antolatu du, eta martxoaren 25ean izango da.
Oarsoaldeko Garapen Agentziak antolatutako beste jardunaldia. Enpatikonomia ingurua eta ingurukoak kontuan hartzen duen ekonomia inklusiboa da. Horren gaineko jardunaldia antolatu du Oarsoaldea Garapen Agentziak martxoaren 25erako, ostirala. Ekitaldia enpresei zuzenduta egongo da, hiru ordu eta erdiko iraupena izango du (10:00etatik 13:30era), eta Zinealdeako Chaplin aretoan egingo dute. Euskaraz da osoki.
Jarduera ekonomikoan inguruko pertsonen eta errealitatearen zaintzaren aldagaiak sartzeak negozioetan eragin positiboa daukala uste du Oarsoaldea Garapen Agentziak. Ekonomia inklusibo horren berri emateko eta eredu baliagarriak eta praktika onak erakusteko asmoz antolatu dute jardunaldia.
Jardunaldia irekia da interesa daukaten enpresa guztientzat, eta aldez aurretik eman behar da izena. Izena emateko hurrengo formularioa bete behar da hemen klik eginez. Bestetik, jardunaldiei buruzko informazio gehigarria eskuratzeko hemen klik egin.
Antolatzaileek zalantzak edo argibideak emateko telefono zenbaki honetara deitzeko (943 49 41 29) edo helbide honetara emaila bidaltzea eskaintzen dute.
Ondokoa da hilaren 25eko jardunaldiaren egitaraua:
- 10:00. Ongi-etorria Agustin Lekuona Irastortza Oiartzungo Udalaren ordezkariarekin.
- 10:10-11:00. Mahai-ingurua: Zenbat aurrez dezake enpresak energia ondo kudeatuz gero? Partaideak: Iker Estensoro Sarasola (Gipuzkoako Foru Aldundia, Ekonomia Sustapenerako zuzendari nagusia); Iñaki Puga Pueyo (Gipuzkoako Foru Aldundia, Ingurumen Saileko zerbitzuburua); Santiago Otxoa de Eribe Usabiaga (Goienerren kudeatzaile nagusia); Ainara Lasarte Urkia (Oarsoaldea Garapen Agentzia, Hiri Berriztapena eta Mugikortasun Sailaren zuzendaria); Jon Aldaregia Moreno (Ondarreta Mesas y Sillas SLren zuzendariaren ondokoa)
- 11:00-11:30. Prentsarako tartea, eta hitz egindakoari buruz talde txikitan solasaldian aritzeko aukera.
- 11:30-12:30. Hizketaldia: Tokiko komunitateen indarra, erronkei aurre egiteko. Hizlaria: Gorka Espiau Idoiaga (Euskal Herriko Unibertsitateko ordezkaria eta Agirre Lehendakaria Center-eko kidea).
- 12:30.13:20. Mahai-ingurua: Zer irabaz dezake enpresak alboetan dauden pertsonak kontratatuz gero? Partaideak: Erika Gonzalez Roman (salto Systems SLko Giza Baliabideen teknikaria); Cristina Matilla Alejos (Katealegaia SLL taldeko Enplegu Lagundua zerbitzuko arduraduna); Patxi Arrazola Zaldua (Oarsoalde Garapen Agentziako Pertsonei Arreta Sailaren zuzendaria). Programa horietan parte hartu duten bi langileren esperientzia azalduko dute tarte horretan.
- 13:20-13:30. Bukaera, laburpena eta jardunaldiaren balorazioa.
- Bisita gidatua. Zinealdea ezagutzeko Amaia Nuin Merinorekin bista gidatua izango da. Azpiegituraren produkzio arduraduna da Nuin.
