Hil honetarako aktibitate ugari antolatu ditu Urdaburuk
Tolosaldeko Biraren bigarren etapa eta 'nordic walking' ikastaroa prestatu du Errenteria-Oreretako mendizale elkarteak.
Urdaburuko kideak beste irteera batean. Urdaburuk aktibitate egitarau oparoa antolatu du hurrengo egunetarako. Aurrekoan ezagutzera eman zuen Ipar Martxako irteerez gain, bi hitzordu garrantzitsu prestatu ditu hurrengo egunetarako.
Batetik, hilaren 19an, Tolosaldeko Biraren bigarren etapari ekingo diote, Berastegitik Urtora (5 ordukoa). Egun horretako 07:30ean irtengo dira Gamon Zumardiko autobus geltokitik Tolosaldera joateko. Txangorako izen emate epea zabalik da, astearte eta ostegunetan 19:00etatik 21:00etara elkartera joanez, edo 943 52 78 79 telefono zenbakira hots eginez .
Bestalde, ‘nordic walking’ ikastaroa antolatu du ere Urdaburuk hilaren 26rako, Gaztañoko pilotalekuan. Behin teknika ikasita, Arramendiraino joateko asmoa dute. Marijo Villalbak emango ditu argibideak eta izen ematearen prezioa 20 eurokoa da bazkideentzat (lehentasuna dute), eta 30 eurokoa ez direnentzat. Hilaren 22ra arte eman daiteke izena.
Azkenik, hilaren 17an (osteguna), elkartearen egoitzan Carlos Bayonek sortutako bideoarekin saioa egingo dute, 19:30ean hasita. Andaluziako arroei buruzkoa da sormen lana. Bertara bazkideak eta ez direnak joan daitezkeela adierazi dute elkartekideek, tokiak betetzen diren arte.
