'Ordena eta txukunketa', Oarsoaldeko Mintzagun tailerrean
Maitane Ormazabalek etxeko edo lantokiko gaien ordenari buruzko ikuspegia emango du Oarsoaldeko sei euskaltegietan.
Oarsoaldeko Euskara Batzordeak Mintzagun tailerretarako gai berria aukeratu du: Ordena eta txukunketa. Oarsoaldeko sei euskaltegietan gai horri buruzko azalpenak emango ditu TxunkuntZen-eko Maitane Ormazabalek. Antolatzaile profesionala da Ormazabal: nork bere espazioak txukun izaten erakutsiko die euskaltegietako ikasleei.
Mintzagun tailerren barruan sei gai lantzen dituzten ikasturtero, eta horietako bakoitzarekin tailer bat egiten dute sei euskaltegietan. “Helburua da gai erakargarri, berri eta gaurkotasunezkoak euskaraz eskaintzea”, zehaztun dute Oarsoaldeko Euskara Batzordetik. Hala, euskararekin edozein gai jorra daitekeela azaldu nahi diete euskara ikasleei.
Honakoa Ormazabalek emango dituen tailerren zerrenda:
- Hilaren 21ean. 10:00etatik 11:30era Errenteria-Oreretako Xenpelar AEKn.
- Hilaren 22an. 10:00etatik 11:30era Antxoko Txirrita AEKn.
- Hilaren 22an. 18:00etatik 19:30era Oiartzungo Intxixu AEKn.
- Hilaren 23an. 10:00etatik 11:30era Pasaiako Udal Euskaltegian.
- Hilaren 28an. 10:00etatik 11:30era Lezoko Oroitzene AEKn.
- Hilaren 28an. 16:00etatik 17:30era Errenteriako Udal Euskaltegian.
