Juneren Hegoak eta Gipuzkoa Basket, lankidetzarako prest
2022-23 denboralditik aurrera, saskibaloi taldeak bere proiektu eta egitasmoetan lagunduko du Juneren Hegoak Elkartea.
Juneren Hegoak elkarteko kideak GBC-ko presidentearekin. Juneren Hegoak Elkarteak eta Gipuzkoa Basket klubak lankidetza hitzarmen bat sinatu zuten igandean. Akordio horri esker, 2022-23 denboralditik aurrera, saskibaloi taldeak bere proiektu eta egitasmoetan lagunduko du Juneren Hegoak Elkartea, eta bi erakundeek euren komunikazio bideak partekatuko dituzte. Horrez gain, datorren urtetik aurrera, Gipuzkoa Basketek denboraldiko partida bat proposatuko du Juneren Hegoaken alde, eta elkartean lanean dauden boluntarioek eta familiek parte hartzeko aukera izango dute.
2023an, gainera, Juneren Hegoak Elkarteak hamar urte beteko ditu, eta Gipuzkoa basketek omenaldia egingo dio. Hitzarmenean sinatutakoaren arabera, elkarteak antolatzen dituen jarduera batzuetan Gipuzkoa Basketeko Gipu maskota eta jokalariren bat egongo dira sostengua ematen. Azkenik, Juneren Hegoak Illunbera joan ahal izango da Gabonetako egutegiak saltzera.
Akordio hori, Gipuzkoa Basketen estrategiaren barruan sartzen dela komunikatu dute, Donostiako eta Gipuzkoako hainbat kolektiborekin elkarlana bultzatzen duena. Gaur egun, Juneren Hegoak Elkartea laguntza sare batean murgilduta dago ahultasun egoeran dauden gaixoei eta euren familiei bizi kalitatea hobetzen laguntzeko helburua duena.
