Informatika ikastaroa antolatu du Aiton Bordak
Hamar laguneko taldea osatzea dute asmo. Izen emateko aukera zabalik dago, astearte eta ostegunetan, 10:00etatik 11:30era Aiton Bordan.
Aiton Borda erretiratuen elkarteak informatika ikastaroa antolatu du. Hamar laguneko taldea osatu nahi dute Errenteria-Oreretako Biteri kaleko areto batean egingo duten ikastaroan parte hartzeko.
Izen emateak Aiton Bordan bertan egin behar dira, astearte eta ostegunetan, 10:00etatik 11:30era. Tarte horietan ikastaroari buruzko informazio gehiago lor dezakete interesdunek. Doan da izen ematea. Izen emaileen mailaren araberako ikastaroa antolatuko dute. Plazak izen emateko iritsi ahala beteko dira.
Astean bitan egingo dituzte eskolak, lau astean zehar. Saio bakoitza ordu eta erdikoa izango da, beraz, ikastaroa osoki 12 ordukoa da.
