Planetaren orduarekin bat egingo du udalak
Planetaren ordua larunbatean izango da, hilak 26, 20:30 - 21:30 bitartean.
Parisek ere Eiffel dorrea itzali zuen iaz. Klimaren aldaketaren arazoaz ohartarazteko keinu sinbolikoa da Planetaren Ordua. Egun horretan, udalerrietako eraikin eta monumentuetako argazkiak ordubetez itzaltzen dira. Errenteriako Udalak iniziatiba honekin bat egin nahi du, eta udaletxeko argiak itzaliko ditu larunbatean.
Mundu osoan egiten den keinua da, eta antolatzaileek urtero planeta babesteko erronka bat proposatzen dute. Aurten, Planetari itzulia ematea da egiten duten proposamena. Beraien asmoa parte hartzen duten pertsona guztien artean Lurrak dituen 40.000 kilometroko perimetroa osatzea da.
Bestetik, Errenteriako Udalak herritarrak Planetaren aldeko iniziatiba honetan parte hartzera animatu nahi ditu.
