Ukrainari buruzko bi mozio aztertuko dituzte etziko plenoan
Martxoko ohiko plenoa egingo dute hilaren 30ean, hemezortzi puntukoa. Saharako egoera ere izango dute hizpide.
Asteazkenean egingo dute ohiko plenoa. Oiartzungo udalbatzak plenoa egingo du etzi, hilak 30. Udalbatzarra 18:00etan hasiko da, eta hemezortzi puntu izango ditu.
Horietatik hiru mozioak izango dira. EH Bilduk eta EAJk Ukrainari buruzko mozio bana aurkeztuko dute, eta gehiengoa duen taldeak, berriz, Mendebaldeko Saharari buruzko beste bat aurkeztuko du.
Gainontzeko puntuei dagokienez, euskara sustatzeko hiru puntu izango dituzte aztergai (11, 12 eta 13 puntuak). Honakoa da gai-zerrenda:
-
Aurreko batzarrari dagokion aktaren onarpena.
-
“Vladimir Putinek Ukrainaren aurkako erasoa arbuiatzeko mozioa”ren onarpena, EAJ-PNV
udal taldeak aurkeztutakoa.
-
“Ukrainako erasoaren inguruko mozioa”ren onarpena, EHBildu udal taldeak
aurkeztutakoa.
-
“Mendebaldeko Saharako gatazkaren inguruko mozioa”ren onarpena, EHBildu udal
taldeak aurkeztutakoa.
-
2022ko ordainsarien igoera.
-
Oiartzungo Udalaren iruzurraren eta ustelkeriaren aurkako politikaren onarpena.
-
Oiartzungo Udaleko 2022ko Arau Planaren onarpena.
-
2021 ekitaldiko udal aurrekontu-likidazioaren berri ematea.
-
Katastroko 5 poligonoko 6. lursailaren usurpazio saiakeraren aurrean erabilera publikoko
ondasuna berreskuratzeko espedientea hastea.
-
Oiartzungo Udala eta Oarsoaldea S.A.ren arteko 2022ko lankidetza hitzarmenaren onarpena,
gestio planaren egikaritzarako.
-
Hainbat programa gauzatu ahal izateko Oiartzungo Udala eta Ttur-Ttur Euskaltzaleon
Bilgunearen arteko hitzarmenaren baitan, aurkeztutako 2021eko memoria eta kitapena ontzat
ematea eta 2022ko ekarpena onartzea.
-
Oiartzun Irratiaren funtzionamendurako Oiartzungo Udala eta Hitz Hots Kultur Elkartearen
arteko hitzarmenaren baitan, aurkeztutako 2021eko memoria eta kitapena ontzat ematea eta
2022ko ekarpena onartzea.
-
Oiartzungo udalerrian euskara sustatzeko jardueretarako 2022ko dirulaguntzak arautzeko
oinarri bereziak eta deialdiak onartzea.
-
2022an Oiartzunen aurreikusitako edo ohiko kultur ekitaldietarako dirulaguntzak arautzeko
oinarriak onartzea eta deialdia irekitzea.
-
Oiartzungo udalaren jabegoko eta Onura Publikoko Pikokarate mendiko lursail bati erabilera
pribatiboa emateko emakida eta baldintza tekniko ekonomikoak onartzea.
-
Beste ekitaldietako ordainagiriak baliogabetzea.
-
Beste organoen jardueraren jarraipena.
-
Eskari-galderak.
