Arte sorkuntzarako diru-laguntzak emango ditu udalak
Sorkuntza edota ekoizpen prozesuak laguntzeko 6.000 euro bideratuko dituzte. Eskaera egiteko epea ostiralean zabalduko dute.
![sorkuntza diru laguntzak](https://oarsoaldea.hitza.eus/site/files/2022/03/51351912957_da94f32697_c.jpg)
Arte sorkuntzetarako eta ekoizpen prozesuetarako diru-laguntzen lerroa lortu du udaleko Kultura Sailak. Oiartzunen arte-sorkuntza edo ekoizpen-prozesuak garatzen ari diren sortzaileei zuzenduta egongo da.
Diru-laguntzak lehenengo aldiz emango dituzte. Guztira 6.000 euro bideratuko dituzte, hainbat diziplinetara: zinema, ikus-entzunezkoak, argazkigintza, dantza, literatura, musika, antzerkigintza edota arte plastikoen arloetako sorkuntza eta ekoizpen-prozesuak.
Diru laguntza eskaerak apirilaren 1etik maiatzaren 31ra egin beharko dira, presentzialki edo telematikoki. Informazio osoa udalaren webgunean aurki daiteke, deialdi irekien atalean.
Kultura Sailaren kontaktua
- Oiartzungo Udaleko Kultura saila.
- Helbidea: Donibane kalea, 11
Manuel Lekuona biblioteka, 2. solairua
E-posta helbidea. - Telefonoa: 943 49 10 34.