138.000 euro utzi ditu loteriak Pasai Antxon
Atzo egindako Euromillones zozketan ateratako zenbakiak 138.494 euroko saria eman dio Oarso kaleko administrazioko bezero bati.
Antxoko Oarso kalean dagoen loteria administrazioan jausi ziren atzo 138.000 euroak. Azken asteotan Pasaian nagusitzen ari den zorte boladari jarraipena eman zion atzo Antxoko Oarso kalean dagoen loteria administrazioak, bertan salduriko billete bati 138.494,13 euroko saria jausi baitzitzaion atzoko -asteartea- Euromillones zozketan.
Joan den hil bukaeran ia 300.000 euro utzi zituen Bonolotoak Trintxerpen, Euskadi etorbideko establezimendu batean salduriko zenbakiarekin; aste berean beste 30.000 euro jausi ziren barruti berdinean, Espainiako Loteriak utzirikoak horiek, eta Azkuene kaleko Odrietxe liburu dendako bezero bati kasu horretan.
