[Galeria] Jendetsua izan da Oarsoaldeko Korrika Gaztea
Ehunka ikasle eta irakaslek kaleak Korrikako aldarriz bete dituzte eurak ere euskararen alde daudela argi uzteko.
Ikastetxeetako ikasleek Korrikako lekua mezuz bete dute. Jendetsua izan da Oarsoaldeko Korrika Gaztea. Ehunka ikasle eta irakaslek kaleak Korrikako aldarriz bete dituzte eurak ere euskararen alde daudela argi uzteko. Honakoan, Oarsoaldeko ikastetxe gehienak elkartu dira Errenteria-Oreretako Linoko plazan: Orereta Ikastola, Oiartzo, Egiluze Ikastetxea, Telleri, Cristobal Gamon, Bizarain, Koldo Mitxelena, Pasaia-Lezo Lizeoa, Lezo Herri Eskola eta Karmengo Ama Ikastetxeak izan dira festaren parte. Giroa izugarria izan da. Linoko plaza goraino bete da, eta Andoni Ollokiegi abeslariaren laguntzarekin, ikastetxeetako hainbat ikaslek Korrikako mezuz bete dute horretarako sortu duten lekuko erraldoia. Kaleetan Korrikaren giroa nabaria da, eta igande goizaldean iritsiko da Oarsoaldeara.
