Aste Santuan, jarduera ugari Fanderiako Errotan
Egitarau zabalarekin dator Fanderiako Errota Aste Santura begira. Ekintzak doakoak dira, baina beharrezkoa da aurrez izena ematea.
Fanderiako Errota. Fanderiako Errotako Ibaiaren Interpretazio Zentroak apirilerako eta Aste Santurako jarduerak aurkeztu ditu, eta egitarau zabalarekin dator:
- Apirilak 14, osteguna: Erreka bazterreko landaretza ezagutzeko tailerra egingo da, eta publiko guztiari bideratutako jarduera bat da.
- Apirilak 15, ostirala, eta 17, igandea: 10:30etik 14:00ak arte, errota martxan ikusi eta bere historia ezagutzeko aukera izango da.
- Apirilak 16, larunbata: Haurrak dituzten familientzat pista jolasa antolatu da, ondo pasatuz errotari eta ibai inguruari buruzko edukiak lantzeko eta goiz polit bat igarotzeko.
Ekintza guztiak doakoak dira, baina aldez aurretik izena ematea beharrezkoa da. Honakoak dira izena emateko bideak:
- turismoa@oarsoaldea.eus / 943 49 45 21
- galemysfanderia@gmail.com / 690 72 02 64
