Oarsoaldeko informazio bulegoak, irekita Aste Santuan
Oiartzun, Pasaia eta Errenteria-Oreretako San Marko gotorlekuko turismo bulegoak zabalik egongo dira hurbiltzen direnei zerbitzua emateko.
San Markoko informazio bulegoa. Aste santua gainean da, eta Oiartzungo, Pasaiako eta Errenteria-Oreretako San Marko gotorlekuko turismo bulegoak irekita egongo dira egun horietan Oarsoaldeko eskualdera hurbiltzen diren bisitariei zein bertakoei zerbitzua emateko.
Oiartzungo turismo bulegoa Arizmendi Enea museo etxean irekiko da, Aialde kaleko 4. zenbakian. Udalerriko eta eskualdeko baliabide turistikoei, gastronomiari, kultura ondareari eta naturari lotutako informazioa emateaz gain, doako bisita gidatu zerbitzua eskainik da etxe museoan bertan.
Turismo bulegoa apirilaren 14tik 18ra, 09:00etatik 14:00etara eta 16:00etatik 19:00etara egongo da zabalik, eta Pazko astean, asteartetik larunbatera, 10:00etatik 14:00etara eta 16:00etatik 18:00etara, eta igandean, 10:00etatik 14:00etara.
Errenteria-Oreretako San Marko gotorlekuko informazio bulegoa Lau Haizeta Parkearen bihotzean kokatzen da. Gotorlekura gerturatzen direnek, begiratokiak eskaintzen dituen ikuspegiez gain, gotorlekuaren barrualdea ikusi eta inguruak eskaintzen dituen aukerei buruzko informazioa jaso ahal izango dute. Gotorlekua Aste Santutik aurrera egongo da zabalik jai egun eta asteburuetan, 10:00etatik 14:00etara eta 16:00etatik 18:00etara. Ordutegi horren barruan ere museoa bisitatu ahal izango da modu librean.
Pasaiako turismo bulegoa Juanba Berasategi Kultur Gunean ezarri da. Leku berri horretan, erabiltzaile guztiei egokitutako arreta gune bat, administrazio gune bat eta atseden hartzeko autozerbitzu gunea izango ditu. Apirilaren 14tik 18ra 09:00etatik 14:00etara eta 16:00etatik 19:00etara egongo da irekita. Pazko astetik aurrera, berriz, asteartetik larunbatera 10:00etatik 14:00etara eta 16:00etatik 18:00etara, eta igandetan 10:00etatik 14:00etara egongo da zabalik.
Informazio gehiagorako eta bisita gidatuen erreserbak egiteko, interesdunek honako lekuetan aurkituko dute beharrezko informazioa:
Oiartzungo turismo bulegoa:
- 943 50 89 13
- turismoaoiartzun@oarsoaldea.eus
San Marko gotorlekuko informazio puntua:
- 943 44 96 38
- turismoa@errenteria.eus
Pasaiako turismo bulegoa:
- 943 34 15 56
- turismoapasaia@oarsoaldea.eus
Horrez gain, interesdunek Oarsoaldea Garapen Agentziako webgunean informazio gehigarria aurkituko dute.
