Bueltan izango dira Gaztañoko Jaiak ekainean
80. hamarkada izango da aurtengo gai nagusia. Dagoeneko adostuta du jai batzordeak egitaraua, eta baita kamiseten diseinua ere.
Bi urteko hutsunearen ostean, aurten berriro errepikatuko da irudi hau Gaztañon. 
Bi urte joan dira Gaztaño auzoan jairik ospatu ezin izan dutenetik. Hori horrela, sekula baino gogotsuago hartuko dituzte bizilagunek aurtengoak, dagoeneko bi hilabete inguru baitaramatza jai batzordeak ekainaren 17, 18, 19 eta 23rako ospakizuna prestatzen.
Adostuta du jada Gaztañoko Jai Batzordeak egitaraua, eta prestaketa lanetan dihardute orain. Aurreratu dute, ordea “jai indartsu eta parte hartzaileak” izango direla, eta egunotan joango dira, pixkanaka, horien berri ematen. Laguntza oro eskertuko dutela ere esan dute, eta hala, gonbidapena egin diete bizilagunei taldera gerturatzeko: “Jai batzordea irekita dago”.
Esan bezala, ekainaren hirugarren asteburua hartuko du ospakizunak. Larunbatarekin hasiko dira (ekainak 17) eta, ohi bezala, su gauarekin bukatu, hil horren 23an (osteguna). Egun horietarako aurtengo gaia 80. hamarkada izango da, eta auzotar nahiz bisitariak animatu dituzte horrekin loturiko mozorroak janzteko ospakizunak iraun artean; bereziki, herri afarira bertaratzeko. Margotu berri duten Gaztañoko Erabilera anitzeko gunean egingo dute azken hori.
Jaien kamiseta
Aurten ere, jakina, eta iaz egin bezala, jaietako kamisetak prestatuko ditu jai batzordeak. Horien ilustrazioa urteroko marrazki lehiaketaren bidez hautatu dute, bidalitako 11 proposamenen artean. Eskerrak eman dizkiete antolatzaileek parte hartzaile guztiei.
Aurten ere, jakina, eta iaz egin bezala, jaietako kamisetak prestatuko ditu jai batzordeak. Horien ilustrazioa urteroko marrazki lehiaketaren bidez hautatu dute, bidalitako 11 proposamenen artean. Eskerrak eman dizkiete antolatzaileek parte hartzaile guztiei.
Horratx irabazlearen diseinua:
