Donibaneko saneamendua, gasa, eta zuntza, herri batzarrera
Donibaneko Saneamendu Osotasunaren Aldeko herri batzarrak bilerara deitu ditu bizilagunak, orain arte egindako urratsen berri emateko.
![](https://oarsoaldea.hitza.eus/site/files/2022/04/dsc09541.jpg)
Luze darama lanean Donibaneko Saneamendu Osotasunaren Aldeko herri batzarrak barrutiko bizilagunen eskubideen alde, eta biltzera deitu du orain: datorren asteko asteazkenean, hilak 27, barrutiko saneamendua, gasa eta zuntz optikoa izango dituzte hizpide Juanba Berasategin.
19:30ean ekingo diote solasaldiari, orain arte egindako bidea, bilduriko informazioa eta alde zaharreko bizilagunen eskaera edo helburuak mahai gainean jarriko dituztelarik. Helburua: horiek guztiak partekatu eta aldarriak elkar hartzea.