Inude eta artzainen desfilea, Trintxerpen
Hilaren 30ean desfilea, herri bazkaria eta dantzaldia egingo dituzte. Aurretik, ordea, entsegura deitu dute.
Hilaren 30ean, larunbata, inude eta artzainen desfilea egingo dute Trintxerpen. Horren ondoren, gainera, herri bazkariarekin eta dantzaldiarekin gozatua hartu ahal izango dute bizilagunek.
Dantzari, abeslari, danbor-jole nahiz musikariek entsegu bateratua egin beharko dute aurretik. Horretarako hitzordua hilaren 26an finkatu dute, asteartearekin, 20:00etan Karmengo Ama ikastetxeko gimnasioan.
Ondorengoa da apirilaren azken larunbaterako trintxerpetarren plangintza:
- 12:00etan irteera Serafin Esnaola plazatik. Ibilbidea: Euskadi etorbidea, Azkuene kaletik igo eta berriz ere buelta Gudari plazara.
- 15:00etan herri bazkaria frontoian (konpartsako kideentzat). Izena emateko azken eguna hilaren 25a izango da. Erreserbak eta informazio gehiago, 943 39 60 55 telefonoaren bidez. Hau izango da menua: patatak errioxar erara, arrain arrautzeztatua, gazta tarta, kafea eta edaria (15 euro).
- Bazkalostean, dantzaldia frontoian.
