Antton Telleriak 'Nekatutak' bakarrizketa eskainiko du bihar
Barre eginarazteko helburu "bakar eta sakratuarekin" arituko da “delikatuak” izan daitezkeen zenbait kolektibori buruz.
![](https://oarsoaldea.hitza.eus/site/files/2022/04/antton_nekatutak.jpg)
Antton Telleria tolosar kazetari, musikari eta umoregileak bakarrizketa eskainiko du bihar, larunbatarekin, Antxoko Kultur Etxean. Saioa 19:00etan hasiko da.
Nekatutak izenburupean aurkeztutako emanaldian, barre eginarazteko helburu “bakar eta sakratuarekin” arituko da hizlaria; “delikatuak” izan daitezkeen zenbait kolektibo hartuko ditu ahotan horretarako.
Interesdunek hemen klik eginda eskura ditzakete sarrerak, 8.89 eurogatik.