Meipi auzoko jaien egitarauaren berri eman dute dagoeneko
Maiatzaren 13tik 15era, kultur eta aisialdi eskaintza zabala antolatu dute. Artean, otorduak, txapelketak edota kontzertuak egongo dira.
![](https://oarsoaldea.hitza.eus/site/files/2022/04/meipiko-jaiak.jpg)
Maiatzaren 13tik 15era, Pasai Donibaneko Meipi auzoko jaiak ospatuko dituzte. Dagoeneko, jai batzordeak egitarauaren berri eman du, eta kultur zein aisialdi eskaintza zabala antolatu dute asteburu osorako [Egitarau osoa, albistearen gainean ageri den kartelean]:
- Ostiralean (hilaren 13an) txupinazoa, txosnaren irekiera edo hiru kontzertuz gozatzeko aukera egongo da: Nani & Peach DJ’s, Rafa NSF eta Benaranks-en emanaldiak.
- Larunbatean (hilaren 14an), goizeko 10:00etatik aurrera, egun osoko eskaintza antolatu dute: txapelketa eta jolasak, danborrada zein dantzaldia.
- Igandean (hilaren 15ean), herri bazkarian paella eskainiko dute, eta arratsaldean mariatxien emanaldia egongo da.
Ostalaritza, berandu arte zabalik
Hortaz gain, jai batzordeak eskatuta, maiatzaren 13 eta 14ko gauetan ostalaritza-establezimenduek itxiera-ordutegia luzatzeko aukera izango dute. Tabernek, jatetxeek eta kafetegiek gaueko 04:30ak arte luzatu ahalko dute ordutegia; taberna bereziek, pub eta antzekoek, berriz, goizeko 06:00ak arte.