Antxotarrak odola ematera deitu dituzte
Hileroko saioa datorren asteazkenean egingo dute, ohi bezala, barrutiko kultur etxean. Maskara jantzi beharko da.
![](https://oarsoaldea.hitza.eus/site/files/2022/05/dsc1596.jpg)
Pasai Antxon odola emateko hileroko saioa egingo dute datorren asteazkenean, hilak 18, barruti horretako kultur etxean. Lehen boluntarioak 16:30a aldera helduko dira, eta 20:15a inguruan itxiko dituzte aretoko ateak.
Arduradunek ohartarazi dute bertaratzen direnek maskara derrigor erabili beharko dutela. Gainean ez daramanari, bertan emango diote bat, kultur etxean dagoen bitartean jantzi dezan.