Euskadi etorbidea itxita egongo da larunbat arratsaldean 2 orduz
Gipuzkoa dantzan jaialdia dela eta, kalea moztuta egongo da arratsaldean tarte batez. Jaizkibel eta Azkuene bideetan mozketak egongo dira.
![](https://oarsoaldea.hitza.eus/site/files/2022/05/20220104_110804.jpg)
Datorren larunbatean Trintxerpek ehunka dantzari hartuko dituenez gero, Euskadi etorbidea erabat itxita egongo da egun horretan, 16:00etatik 18:00etara bitarte.
Bestalde, desfilea egingo denez Jaizkibel eta Azkuene etorbideetan ere, 17:30etik 18:00etara hainbat trafiko eten egon daitezke bide horietan. Edozein kasutan, seinaleak jarriko ditu udaltzaingoak Ainguraren biribilgunean, Correosen eta Lasako bidegurutzean, eta trafikoa portuko eremutik bideratuko da.