Mariskoneko langileek grebara joko dute
Euren lan baldintzen hobekuntzaren defentsan, hiru orduko lanuzteak eta egun osoko grebak adostu dituzte datozen egunotan.
Mariskoneko langileak. Errenteria-Oreretan eta Oiartzunen lan zentroak dituen Mariskone enpresako langileek greba deitu dute euren lan baldintzen hobekuntzaren defentsan. Asteak daramatzate negoziazioak martxan direla, baina aurrerapausorik ematen ez dela ikusirik, langile asanbladak mobilizazioak deitu ditu.
Estatu mailako kimikako hitzarmenarekin nahikoa ez eta beharrezkoa ikusten dute euren lan baldintzak enpresan bertan negoziatzea, eros ahalmena berreskuratu eta egunerokotasunean hobekuntza ezberdinak ekarriko dituen hitzarmena lortuz.
Hori dela eta, maiatzaren 27an, ostirala, hiru orduko lanuzteak deitu dituzte txanda bakoitzeko, eta maiatzaren 31n eta ekainaren 1ean, berriz, egun osoko grebak adostu dituzte.
