25. urteurrenaren harira, Ereintza eta Herri Arteren emanaldi berezia
1997an hasi zen bi taldeen arteko harremana, gaur arte iraun duena. Hori dela eta, bihar arratsaldean emanaldi berezia eskainiko dute.
Ereintza Dantza Taldearen emanaldi bat. Ereintza Dantza taldeak adierazi eran, aurten hogeita bosgarren urteurrena beteko da dantza taldeak Herri Arte Eskolako kideekin harreman estua hasi zuela. Hori horrela, biharko, larunbata, emanaldi berezia antolatuko dute bi taldeek, euskal dantza tradizionalaren etorkizuna bermatu nahian.
Ikuskizuna arratsaldeko 18:30etan hasiko da, Niessen Kulturgunean. Sarrera doakoa izango da, eta leihatilan bertan eskuratzeko aukera egongo da, bihar bertan.
Dantzari gazteenak, hemezortzi urte bete bitartean, Dantza Eskolan aritzen dira. Ostera, behin tradiziozko dantza multzoan trebatzen direnean, Ereintza Dantza Taldean sartu ohi dira. Biharkoan, denak batera, Euskal Herriko lurralde ezberdinetako doimu eta dantza desberdinak aurkeztuko dizkiete ikusleei.
