Montessori pilotak sortzen ikasteko aukera, Habian! proiektuaren eskutik
Ekainaren 17 eta 18rako antolatu dituzte bi ekimen, Oreretako Torrekua eraikinean. Hamar euro balioko ditu, eta gazteleraz izango da.
Habian! egitasmoak eta Oarsoaldeako Garapen Agentziak montessori pilotak sortzen ikasteko tailerrak antolatu dituzte. Habian! proiektuak ehungintzaren arloko bi tailer eskainiko ditu, ekainean zehar. Zehatz-mehatz, montessori pilotak sortzen ikastea izango da tailerron helburua. Horretarako, parte-hartzaileek kartoizko patroiak eta oihalak komeni moduan moldatuko dituzte, baita eskuz zein makinaz josten ikasi ere.
Tailerrak ekainaren 17an, ostirala, eta ekainaren 18an, larunbata, izango dira, Oreretako Torrekua eraikinean. Lehena (hilaren 17an) arratsaldeko 17:00etatik 20:00etara izango da, eta bigarrena (hilaren 18an) goizeko 10:00etatik eguerdiko 13:00etara. Habian!-ek Oarsoaldeako Garapen Agentziarekin batera antolatu duen ekimena da honakoa eta hala, hamar euro balioko du izen-emateak, eta haurrentzako montessori pilota bat egiteko prest dagoen orori eskaintzen zaio. Plazak mugatuak izango dira, hamar hain zuzen ere. Beraz, izena emateko antolatzaileek 943 494 129 telefonoa edo helbide elektroniko hau jarri dituzte eskura. Ekimenok gazteleraz dinamizatuko dira.
Habian! egitasmoak Errenteriako eta Oarsoaldeko ekonomia eraldatzeko lan egiten du, sormenean eta lankidetzan oinarrituz. Bada, antolatzaileen arabera lekuko sormena eta zentzumen desberdinak estimulatzeko aukera paregabea izango da honakoa.
