Ledian Mola Trio, De Cyne Reynan ostegunean
Ledian Mola Jose Luis Ansorena bekaren bigarren edizioko irabazlea izan da, eta bere taldearekin batera igoko da oholtzara.
Ledian Mola. Ostegunean, ekainak 2, 20:30ean, Errenteria-Oreretako De Cyne Reyna tabernan, Ledian Molak eta bere taldeak, Ledian Mola Triok, jazza, musika afrokubatarra eta musika kultuaren fusioaz sortutako obren kontzertua eskainiko dute. Ledian Mola Jose Luis Ansorena bekaren bigarren edizioko irabazlea izan da, eta bere taldekide diren Pablo Hernandez saxofoi jotzailearekin eta Eneko Arbea bateriarekin egingo du kontzertua. Hiru musikariek aurrez aipatutako Ledian Mola Trio taldea osatzen dute.
Mola Kubako biolin jotzaile eta kontrabaxu jotzailea da. Prestakuntza klasikoko eta bokazio unibertsaleko musikaria da, eta jazza, musika afrokubatarra eta musika kultua uztartzen ditu. 2010etik, Euskal Herrian bizi da, eta Euskadiko jazzaren munduan etorkizun oparoa izan dezakeela aipatu dute antolatzaileek.
