Udan, sormenari ekiteko aukera Ainhoa Redondorekin
Ilustratzaileak udako marrazketa, pintura eta ilustrazio ikastaroa antolatu du uztailerako. Izen-emateak irekita daude jada.
Marrazketa, pintura eta ilustrazio tailerrak egingo dira uztailean. Ainhoa Redondo ilustratzaileak udako marrazketa, pintura eta ilustrazio ikastaroa abiatu du oporraldian ere sormenari ekiteko. Ikastaro horiek uztailean izango dira, bi astez: uztailaren 4tik 8ra eta 11tik 15era. Tailerrak goizez izango dira, astelehenetik ostiralera, 10:00etatik 12:00etara. Ikastaroetan aste betez edo bi astez parte hartzeko aukera dago. Astebeteko (5 egun) aukera hautatzen dutenek 55 euroko kuota ordaindu beharko dute; eta bi astekoa (10 egun) aukeratzen dutenek, berriz, 100 eurokoa. Erabiliko den materiala adierazitako prezioen barruan sartua dago.
Ikastaroetan parte hartu nahi dutenek bi modutara eman dezakete izena. Alde batetik, Orereta kaleko 2. zenbakiko 1320 Arte Tailerrera jo dezakete. Bestetik, info@ainhoaredondo.eus helbide elektronikora idatz dezakete ikaslearen izen-abizenak, adina eta telefonoa adieraziz.
